ਅੱਜ ਦੀ ਨਜ਼ਮ
ਅੱਜ ਦੀ ਨਜ਼ਮ ਉਦਾਸੀ ਵਰਗੀ
ਪੰਛੀ ਇਕ ਪਰਵਾਸੀ ਵਰਗੀ
ਜਨਮ ਜਨਮ ਦੀ ਦਾਸੀ ਵਰਗੀ
ਲਹਿੰਦੇ ਚੜ੍ਹਦੇ ਕੰਮੀਆਂ ਦੇ ਹੱਥ
ਇੱਕੋ ਰੋਟੀ ਬਾਸੀ ਵਰਗੀ
ਅੱਜ ਦੀ ਨਜ਼ਮ ਮਹਿਕ ਤੋਂ ਊਣੀ
ਜਿਓਂ ਫੁੱਲਾਂ ਤੇ ਸ਼ਬਨਮ ਲੂਣੀ
ਜਿਓਂ ਮੜ੍ਹੀਆਂ ਵਿਚ ਬਲਦੀ ਧੂਣੀ
ਜਾਂ ਵਰਖਾ ਦੀ ਬਦਲਾਂ ਹਥੋਂ
ਅਧ ਵਿਚਕਾਰੋਂ ਛੁੱਟੀ ਪੂਣੀ
ਅੱਜ ਦੀ ਨਜ਼ਮ ਪਿਆਸੇ ਰੁਖ ਦੀ
ਜਨਮ ਜਨਮ ਦੀ ਦੋਖੀ ਭੁਖ ਦੀ ਮੇਹੰਦੀ ਦੇ ਸੰਗ ਓਗੇ ਦੁਖ ਦੀ
ਜਾ ਜੋਬਨ ਦੀ ਪਹਿਲੀ ਰਾਤੇ
ਕਿਸੇ ਸਰਾਪੇ ਸੁੰਦਰ ਸੁਖ ਦੀ
Subscribe to:
Post Comments (Atom)
No comments:
Post a Comment